46 Båt for smågarnsfiske

GBM	JBG	Frå	Storleik	Byggjar
46	361	Hofset i Vinjefjorden	Færing	x

Utstillingstekst

Originaltekst

Båten kjem frå Hofset i Vinjefjorden. Denne båten har tydeleg spor etter drift med smågarn. Det kan greiast inn moiddgarn i bakskotten, klar for setting. Garn på tein med neverrepp frå trugge hadde vore fint. Det er ein storvoren færing og som passar godt til slik drift, gjerne med 6–8 garn i setninga.

Færingen frå Hoftset er den einaste med okspeis i hammelbandet.

Tidlegare eigar var Torleif Hofset. Båten har særskilt fin botn med hula medikar om lag på same måten som i 12 Fyring for sildefiske (Stormfuglen). Særleg for denne båten er også hamleband av oksepeis. Slike hamleband var høgt haldne av di dei både var sterke og slitesterke.

Det er tydeleg slitespor etter garnsetting på babord side frå hammelbandet og attover. Det er båt for heimefiske med smågarn.

Hovudmål

Mål	Båtalen	Metrisk	Kommentar
$l$	8 ¼ alen, 1 ½ tomme	458 cm	Det er ein dryg færing.
$L$	10 ¾ alen, 2 tommar	596 cm	$458 \times 1, 25 = 572$ . Når vi legg til ei halv alen, 27,5 cm blir det 599. Båten har normal søfjords-stemning.
$b$	¾ alen, 3 tommar	49 cm	$458 : 10 = 46$ . Botn er brei, og dertil fint buka på medika. Båten har ein meir enn vanleg fin botn.
$B$	1 ¾ alen, 1 tomme	154 cm	$596 : 4 = 149 c m$ . Båten er brei.
$r$	5/4 alen, 3 ¾ tomme	79 cm
$s$	16 tommar	44 cm
Atterskott	33 tommar	91 cm	Det er svært nær $\frac{1}{5} l$ .
Sprang

Sjå Forklaring av mål

Fleire mål

Mål	Båtalen	Metrisk	Kommentar
Mel	18 tommar	49 cm

Det kan sjå ut til at denne båten er tinga som ein litt dryg færing, litt lengre og litt breiare enn ein normal søfjordsfæring. Det er bra når det skal fiskast med garn. Garna har vekt og dertil kan det bli bra fangst.