34 Liten færing frå Hestnes

GBM	JBG	Frå	Storleik
34	272	Hestnes i Valsøyfjord, Halsa (Heim)	Litenfæring

Det er ein liten melfæring, ein liten geitbåt, ein litenfæring. Båten kjem frå Hestnes i Valsøyfjord og han var bruka av Knut Hestnes som ærendsbåt. Han rodde mellom anna ein kornsekk eller to til kverna i Vågosen. Hestnesbåten er ein lett robåt og ein fin ærendsbåt.

Hovudmål

Forkorting	Båtalen	Metrisk	Kommentar
$l$	7 ¼ alen, 2 tommar	404 cm	Båten er 13 tommar (36 cm) kortare enn normal melfæring.
$L$	9 ½ alen, 3 tommar	532 cm	$\frac{5}{4}l$ = 505 cm. Det tyder nokså normal stemning.
$b$	15 ¼ tommar	42 cm	1 cm over $\frac{1}{10}$ alen
$B$	2 ½ alen, ½ tomme	139 cm	$\frac{1}{4}L$ = 133 cm.
$r$	⁵5/4 alen	69 cm	Det er 1 tomme over ¹⁄₈ alen.
$s$	13 5/8 tommar	37.5 cm	Det er nokså proporsjonalt.
Atterskott	19 ¼ tommar	80.5 cm	$\frac{1}{5}l$
Sprang

Sjå Forklaring av mål

Båten er 2 tommar breiare $B$ enn $\mathrm{¼}L$ og 2 ¼ tommar smalare enn vanleg melfæring. Her smakar det av eit kompromiss. Breidda er noko midt mellom vanleg færingmål og eit proporsjonalt mål etter lengda. Det kan tyde på eit mønster der breidda ser ut til å ha ei sjølvstendig vurdering bak seg på dei båtane som er kortare enn normalbåten.

Vi kan konkludere med at båten langt på veg er proporsjonal, men $B$ er litt breiare og $r$ står til $B$. Vi les ut av tala at båten er nøye planlagt. Etter det som er opplyst var denne båten bygd på Hendset. Der var dei gode til å rekne. Tala i denne båten tyder på nøyen planlegging.

Det er bygd minst tre båtar på måla frå denne båten. Den eine er Kjeet i Imarsund (turisthytta). Desse små færingane er lette å fara med for ein mainn. For dei fleste av oss er Hestnesfæringen knerødd i hammelromet. Det er grunn til å vurdere lengda på kjøparen før båten blir rømt.

For å få litt betre plass kan gjerne dei to minste geitbåtane stillast ut med den eine over den hin. Då også for å få betre sikt mot Stormfuglen (på stativet mot nord).